الرئيسية » لوين رايحين » لوين رايحين

لوين رايحين

في طريقة غلط عايشين فيها .

الكل بحب يحكي .

والكل بحب يقول اللي عم يفكر فيه .

والكل بحب يسمعوا الكل .

بس المشكلة لما منحكي كلنا سوا وبصوت واحد .

والكل بيرفع صوته .

مين رح يسمع مين ؟. مين رح يفهم على مين ؟.

هي مشكلتنا.

ناقصنا نتعلم فن الكلام .

يعني إذا بدنا نحكي .

نحكي بالوقت المناسب .

وإذا بدنا نقول اللي عم نفكر فيه لازم نلاقي مين يسمعنا ويفهم علينا .

يعني الكلمة مهمة ولازم تنقال .

بس المهم حدا يسمع ويستوعب شو عم نقول .  

 مو يكون أدن من طين وأدن من عجين .

والكلمة هي العنوان لكل بداية .

مثلاً إذا تقابلوا تنين عشاق بقلا بحبك … بتقلوا وأنا كمان بحبك .

أنا شايف النور طالع من عيونك …. بتضحك وبتقول لا تجاملني.. أنا بجامل العالم إلا أنتِ .

طيب ليش أنا . لأنك أملي ومستقبلي . وزوجتي وأم ولادي . شو رأيك تتجوزيني ؟.

سمعت الكلام وفهمت ووافقت واتزوجتوا وخلفوا صبيان وبنات وعاشوا بثبات ونبات .

صورة تانية يا حبايب قلبي ..

تنين بالحارة مختلفين مع بعض الاول اخراس ولاه .. التاني اخراس أنت  لاء أنت.

شو ما بتعرف مع مين عم تحكي .؟

مين ما كنت تكون … ولدعوا كف زتوا عالأرض قام من الأرض وسلخوا بوكس لزقوا بالحيط 

 كف من هون و بوكس من هون وسيارات الإسعاف والنجدة وصلوا من هون 

وواحد عالسجن والتاني عالمشفى .

شو رأيكن ؟ الكلمة فن والتعامل فيها قمة الفنون والذوق .

لو حاولنا نسمع ونفهم ونفكر قبل ما نرد لوصلنا لبر الأمان .

مو للمشفى والسجن.

وإذا حكينا كلنا بوقت واحد لا رح نسمع ولا رح نفهم .

شو الحل ؟ الصمت أفضل الطرق .

بس رح يفكرونا الناس أغبياء .

أو خرسٌ صمٌ ولا يفقهون 

احترنا يا أقرع . يعني ما في حل ؟.

في حل وصدق من قال.. لسانك حصانك إذا صنته صانك وحفظك من السجن والمشافي .

والكلمة بوقتها دهب .

شو رأيكن نرتاح شوي ونسّمع أباءنا  وأمهاتنا وزوجاتنا وأبنائنا وأصدقائنا أحلى الكلام لحتى يشعروا بالأمن والسلام ويعيشوا بحب ووئام أي ويعرفوا لوين رايحين.

شاهد أيضاً

لوين رايحين

حبايب قلبي المتل بيقول: إبدأ بنفسك ثم بأخيك وسر الحياة الرائعة السعيدة أنو نعتبر حالنا …

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.