الرئيسية » لوين رايحين » لوين رايحين

لوين رايحين

الحياة حلوة
والأحلى هو الحب
وبزاويتي هي حابب أحكي عن الحب والكره
نعم الحب والكره وجهين لعملة واحدة
وهالعملة هي نحن
نعم الحب والكره مغروسين بروحنا
وأنت يا صديقي
أنت اللي بتختار أنو بذرة بدك تسقي ثمارها بروحك
يا بتكون شخص إيجابي ومحب
يا شخص سلبي وكاره حالك وكل شي حواليك
وهون ياحبايب قلبي بتبلش متاهة رمي أسباب الفشل عالآخرين وعالمحيط وعالمجتمع وعالأهل
وننسى أنو معظم تجاربنا نحن اللي اخترناها
حتى لما بنترك غيرنا يقرر بالنيابة عنا
بنكون اخترنا أنو ما نختار
حبايب قلبي
ارجعوا لروحكم
ارجعوا لطيبة أفكاركن
سامح حالك لتقدر تكمل نضيف وتغسل ذنوب حالك اللي حاملها على كتافك
وعم يزيد تقلها وأنت ماشي وبتقول: ربنا بيسامح
فمين أنت لحتى ما تسامح .
على الأقل سامح حالك
خفف حملك وكمل بوزن خفيف لحتى يخف تقل الدنيا عليك
بيكفي الحرب شو عملت فينا
نشفت قلوبنا ونستنا كيف كنا نحب
الحرب بتسقي الكره
ونحن لازم نسقي الحب
حتى اذا واجهت كره الأخرين اسقيهن حب
لأنن أحوج الناس للحب
طبعاً الحب لروحكن أولاً
ولكل شي حلو حواليكن
ياحبايب قلبي برجعوكن للرحمة راح تقدروا وتقدروا تحبوا حالكن وتسامحوا يلي حوالكين
قد ما فيكن اسقوا وقسّوا الحب لحتى تعرفوا لوين رايحين

شاهد أيضاً

لوين رايحين

حبايب قلبي أهل أول ماتركوا شي ماقالوه مثلاً قالوا: لا تكن ليناً فتعصر ولا تكن …

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.