الرئيسية » لوين رايحين » لوين رايحين

لوين رايحين

حبايب قلبي . القلم . نعم . ليش سموه القلم ؟ لحتى يساعدنا على كتابة الأحرف . والأصابع . يعني الأنامل . هن المحرك الذهني لنقل ما يختزن في العقل . لحتى ينقل المضمون الفكري للورق .
الحياة معادلة جميلة . فيها الممتاز . والجيد . والوسط .
العلاقات الإنسانية هي اللي عم تحدد التعامل بين البشر . ودائماً في خوف بالعلاقات . وخاصةً الجيران . وهاد اللي وصلناله هلق . بناية كم جار ساكن فيها . خلينا نقول عشرين عائلة . بمعدل خمسة بالبيت الواحد . يعني مية كائن حي . سؤال مهم ؟ كم جار عم يزور جاره ؟ كم جارة عم تزور جارتها ؟ كم ولد عم يلعب مع ابن الجيران ؟ بالنزلة والطلعة عالدرج أو الأسانسير مين بسلم على مين ؟ حتى بالأعياد مين عم يقوم بالواجب اتجاه العيد وأيامه الفضيلة ؟
حبايب قلبي قلال اللي بيزوروا بعض وبيعايدوا بعض . حتى الواجب عم يتجاهلوه . للأسف بالموت والاستشهاد بيتذكروه . بس بهدول بيعزوا بعض ليش ؟ لأنه العزاء دقائق . سامحوني هي حقيقة منتشرة هلأ بنسبة كبيرة بين الأهل والجيران . حتى أسماء بعضهن في منهن ما بيعرفوه . طيب شو الطريقة اللي نتعرف على بعض ونكتشف أخلاق بعض .
للأسف يا حبايب ضروري نرجع للقاموس الأخلاقي . قاموس الاسترشاد الأدبي . ونطلع ونقرأ . قريت مرة حبايب قلبي قول لحكيم بقول
[ إذا أردت اكتشاف شخصٍ ما فنظر إليه حين يغضب . وإذا أردت اكتشاف رقي شخص ما فنظر إليه كيف يتعامل مع من أساء إليه . وإذا أردت اكتشاف عقل شخصٍ ما فانظر إليه كيف يتعامل مع من يخالفه الرأي ] .
حبايب قلبي . اللي بتمناه أنه نرجع للقراءة لأنها بتفيد وبتنمي العقل وبتهدي النفوس وبتغذي الروح . القراءة منبر العلماء .
محبتي لمن يقرأ ولمن يتواصل مع اهله وجيرانه لأنه بيكون عرفان لوين رايح .

شاهد أيضاً

لوين رايحين

حبايب قلبي أهل أول ماتركوا شي ماقالوه مثلاً قالوا: لا تكن ليناً فتعصر ولا تكن …

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.