الرئيسية » لوين رايحين » لوين رايحين

لوين رايحين

حبايب قلبي . يسعد اوقاتكن . نحنا البشر عايشين على مفترق الطرق واحد صح . والتاني غلط . اللي بدي قوله . مين منا بيقدر الصح . ومين منا اللي بقدر الغلط . يعني نحنا كائنات بشرية . مالها عم تحدد الصح والغلط . ومتكلة على ربها وماشية . بس المهم لوين ماشية ؟ تركيبتنا فيها بعض الغباء . والغبار اوقات بهل علينا مرتين . المرة الأولى ما منحب اللي بحبونا . والمرة التانية منحب اللي ما بيحبونا . أي نعم .
سوريا قدمت الكتير للوطن العربي وللجيران القراب والبعاد . استقبلنا كل مين أجا من اللبنان وحبيناهن وضميناهن ونحنا عرفانين أنو ما بيحبونا. بس هي طبيعتنا منحب اللي ما بيحبونا .
سامحوني حبايب قلبي . هيك هلق عم يصير فينا .
نحنا كبشر منقول ومنعترف أنه بالحب . ما بصير تحط شروط للعطاء . بالحب ما بصير تطلب مقابل حبك تمن . وإلا صار الحب صفقة أو قرض أو دين . واللي بحب بصدق بيعطي وما بينتظر أي ردة فعل أو جزاء .
حبايب قلبي رغم كل هالشي . نحنا قدمنا وما طلبنا لا رد ولا تمن . ولما تعرضنا لأزمتنا وبحبنا الصادق رحنا لأقرب حبيب ألنا . أتلمنا وتوجعنا من معاملتهن ألنا . بس الرب شايف وعارف . ومتل ما قال المتل كما تدين تدان .
الحكماء قالوا لا تهتم ولا تبالي لأنه ما بيسأل عنك إلا يلي بيفتقدك وما بيفتقدك إلا اللي لاحظ كبر الفراغ من بعدك . بس اللي عايش بضياع رح يضل طول عمره ضايع . لأنه بالأساس انوجد مرغم مو باختياره .
مسمار جحا مو بس انزرع بفلسطين . زرعوه الفرنسيين والإنكليز لما سلخوا اللبنان عن سوريا . ولما سلخوا لواء سكندرون عن سوريا . وزرعوا الفتنة والكره واتبعوا القول السائد فرق تسود . بس التاريخ أبداً ما رح ينسى ولا رح يتناسى . والكل قالوا الأصل سوريا . والمحبة سوريا . وسوريا وأبناء سوريا والجيل الأول اللي حافظ تاريخه لحد هلق بيقولوا نحنا عرفانين لوين رايحين .

شاهد أيضاً

لوين رايحين

في طريقة غلط عايشين فيها . الكل بحب يحكي . والكل بحب يقول اللي عم …

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.