الرئيسية » لوين رايحين » لوين رايحين

لوين رايحين

بين الماضي والحاضر .. في أجيال .. جيل جديد . إندفاعي . وجيل قديم متزن .. وجيل وسط .. حامل المثل القائل اللي أتزوج أمي هو عمي ..
وبين هالأجيال في طرف مردد لكلمة واحده .. هيك خلقنا .. وهيك ربينا .. وهيك تعودنا .. هالشي صح ولا غلط ؟ ناس بتقول صح .. وناس بتقول غلط .. وناس بتقول ما دخلنا ..
شو رأيكن بالقيل والقال .. رح يوصلنا لنتيجة إيجابية ؟ أكيد لأ .. لذلك بدنا خطة مصيرية .. تحدد مصيرنا بهالتيارات .. وتخط طريق نمشي عليه لحتى نوصل لبر الأمان .. كل الناس بدها الأمان .. بس مين عم يأمنه ؟ مين عم يحاول ينفذه ؟ مين عم يدافع عنه ؟ اللي عم يصير حوالينا لوين رح يوصلنا .. اللي بأيده باروده ومسدس وقنبلة .. ومفكر حاله رامبو .. وعمك خالك .. مين بدو يرده ؟ وخاصة إذا كان تمويله عم يوصل لعنده .. يعني مصروفه الشهري وأكلاته وشرباته وتعباية الطاسة..
يا سادة يا كرام .. المشكلة هي بالطاسة .. يعني براسنا .. راسنا اللي مليان توجيهات غربية ومخدرات كيميائية .. يعني ساطلين الناس ..
يا سادة يا كرام .. بدنا صحوة جذرية .. بدنا دوش مي باردة تضل عم تصب على راسنا .. بدنا مين يوجهنا للخير .. مين يحمينا من الأدعياء .. بدنا ناس حامله أيمانها قبل مسدساتها .. بدنا الجهات المتفرقة تتفق .. نعم ؟ شو .. ما راح يتفقوا .. والله يا أخ .. لما منوقف أيد واحدة .. بدهن يتفقوا .. لما نبطل نمد أيدنا وناخدنا رزقتنا منهم بدهن يتفقوا .. لما منقوم منشتغل ومنزرع ومنحصد ومنعمر وما منحتاج نجيب ونستورد من برة .. بدهم يسمعونا ويتحدوا .. لما بيكون عنا دين واحد ومذهب واحد وما منحكي باليمين واليسار بدهن يتحدوا .. يعني نحنا المفتاح .. نحنا طريقهم .. شو منخليهم يدوسونا بتمويلهن .. ولا منعمر طريقنا بأيدنا ونحنا منقود الراية .. بتعرفوا يا ولاد بلدي لو نفذنا هالوصية أكيد رح نعرف لوين رايحين ..

شاهد أيضاً

لوين رايحين

في طريقة غلط عايشين فيها . الكل بحب يحكي . والكل بحب يقول اللي عم …

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.