الرئيسية » لوين رايحين » لوين رايحين

لوين رايحين

حابب أحكي اليوم شوي عن الأطفال
علماً المفروض أحكي كتير عن الأطفال
وفن الأطفال
أي في ناس بيضحكوا وبيقولوا صحيح في فن للأطفال
أنا ببتسم
وبقول الأطفال هنن الفن
الأطفال هن الحياة
الأطفال هن الدنيا
الأطفال هن بداية الحياة اللي قدمها آدم وحوا
والأرض هي المنبت الحقيقي للطفولة
بس الحقيقة مو هادا اللي بدي أحكي عنه
بصراحة سنة الحياة والكون والأدبيات بتقول
طبيعي يكون في حب وولادة
والإنجاب والإعتناء والاهتمام
بس بدي أحكي عن التاريخ
عن الاستيراد والتصدير
نعم
استيراد الأفكار لأطفالنا
استيراد كل شيء مميز بالعالم اللي تنكّر للدين والذات والمبادئ والتربية والأخلاق والجذور
استوردنا كل شي بشوه أطفالنا
أي
لا تستغربوا
الفقر والجهل وعدم المسؤولية والاهتمام بالكراسي والمناصب وعلاقات واتفاقيات بالتجارة والبناء المشوه لأنه مالنا عم نفكر بالبناء من جذوره وكنوزنا داخل الأرض
بس لما بدنا نبني
مالنا عم نفكر أنو الأساس لسه هش وبدو دعم كتير
وبدو مهندسين
لحتى يحموا الأساس
لأنه الصعود والارتقاء بدو حماية
وإلا كل شي رح ينهد على روسنا
وهادا أحد أسباب أزمتنا
ولما بدنا نفكر بالصعود أساسنا لازم يكون بحجم صعودنا
ليش؟
لحتى يحمينا من أي زلزال منتعرضله
البناء بدو كراج للسيارات
لذلك يا حبايب قلبي كيف بدنا نفكر نبني من تحت
طفولتنا هي عالمنا المستقبلي
هي أساس المجتمع والوطن
كيف بدنا نفكر نعمل لهم حدائق ومدارس
وين المستقبل اللي عم يتجهز لمستقبلهم
كيف بدهم يتعلموا لحتى يحافظوا على تاريخهم
مين عم يغني للطفولة
الأم الشبه أمية
ولا الأم الموظفة لحتى تعين جوزها
ولا الأم العاملة اللي ساحبة نص ولادها لمكان شغلها
ولا ست المجتمع اللي ما بيهمها إلا مظهرها ومكياجها وأناقتها
وكل اعتمادها على بنت مستورده من أي بلد
لا من عاداتنا ولا تقاليدنا
وعم تزتلها فلذة كبدها لتربيه
يا ناس فكروا لوين رايحين بجيل المستقبل

شاهد أيضاً

لوين رايحين

حبايب قلبي أهل أول ماتركوا شي ماقالوه مثلاً قالوا: لا تكن ليناً فتعصر ولا تكن …

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.