الرئيسية » لوين رايحين » لوين رايحين

لوين رايحين

حبايب قلبي
في كلمة حابب قولها
الحياة شو بتشبه؟
نعم بتشبه حياة البحر
ما بتعرف المستحيل
ولا بتعرف كبير وصغير
لأنه التكوين الأساسي للدنيا
بناء وقانون
من عهد آدم وحواء
مروراً بالنبي نوح
ولهلأ الحياة بناء
والحياة بتبدأ من الزواج وتكوين الأسرة وإنتاج أطفال والصراع الحياتي ومن هون بيبدأ الصراع
ولكل إنسان عمله ومكانته
التجارب اللي بيمر فيها الإنسان بتحددله مصيره
والتجارب هي الخبرة للإنسان
وهي الدرع الحامي للحياة
والمقولة بتقول: من لا يعرف العوم يخشى من الغرق
ومن ضمن المقولات: علموا أولادكم الكتابة والقراءة والأدب والأخلاق
وعلموهم السباحة والرماية وركوب الخيل
مقولة قديمة بس ضرورية بالحياة
والحقيقة هاد اللي ناقصنا واللي بنفتقر له بهالأيام
حبايب قلبي
أطفالنا هنن زينة الدنيا
زينة حياتكم
صباحكن ومساكن مع ابتسامة طفل بتنعش الروح
وهنن درع الوطن والحامي للوطن والوطن بحاجة هؤلاء
وبهالأيام الحاضرة والجاية والبعيدة يجب أن نحسن طرق تربية أطفالنا ورعايتهم لحتى يحموا الوطن
هؤلاء شبابنا ورجالنا القادمين
بالغد بدنا جيل جديد
واعي
مو كلمة تاخده وكلمة تجيبه
ازرعوا الثقافة بعقول أطفالنا
وإذا ما في مدارس ببعض المناطق
علموهم بالبيت أي بالبيت
كل أم مسؤولة عن أطفالها
ما خلفتهم لحتى يلعبوا بالطريق
يلعبوا بس يتعلموا
ولو بالبيت
يدرسوا بالبيت يفتحوا كتاب بالبيت
البيت هو بداية الأسرة والمجتمع والمدينة
البيت هو الرمز لحضارتنا ومستقبلها
أولادنا هنن بكرة ومستقبلنا
ولما بنعلم أولادنا بنعرف نحن لوين رايحين

شاهد أيضاً

لوين رايحين

حبايب قلبي أهل أول ماتركوا شي ماقالوه مثلاً قالوا: لا تكن ليناً فتعصر ولا تكن …

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.