الرئيسية » لوين رايحين » لوين رايحين

لوين رايحين

حبايب قلبي
المتل بيقول: إبدأ بنفسك ثم بأخيك
وسر الحياة الرائعة السعيدة أنو نعتبر حالنا على طول متل المغناطيس
لاتستغربوا نعم مغناطيس
شو بيحمل هالمغناطيس اللي جواتي بيردلي ياهن يمكن أضعاف
يعني لما بيكون فايق مو رايق ونكدي
مغناطيسي بيجذب كل النكد لعندي من أول ما بيبلش نهاري وبيكمل لحتى أنا غير شحنات المغناطيس وروق و إنتبه أنو جواتي مو بخير
بس القصة مو كبسة زر
أنا إنسان
مو آلة
بحس وبشعر وبتألم وبتأثر
والحالة اللي نحن فيها متعبة
المهم يعني كيف بدنا نفوت لجواتنا
ونعرف شو سبب الخوف والغضب والحزن
والوحدة وعدم الثقة بالنفس والكره
والأمثلة كتيرة
الله يبعدهن عنا وعنكم
حبايب قلبي لما بنعرف سبب الخوف بنرجعلوا وبنطبطب عليه
وبنتعامل معه متل الولد الصغير
وإذا ماحدا حن ورد علينا
نحنا بنحن على حالنا وبنعانق حالنا
وبنخبر حالنا أديش هو حالة فريدة وخاصة ومابتشبه غير حالها
وهيك حبايب قلبي شوي شوي بيتلاشى اللون الأسود
وبيصير أبيض وبيجذب معو كل الألوان الحلوة التانية
وبينعكس هالشي على حالنا من بره
وبينعكس على صحتنا وبريقنا من جوه
وبتطلع الإبتسامة وبتجي راحة البال
والمغناطيس بينشحن بابتسامة حلوة طالعة من القلب
ووقتها بنعرف نحنا أمة أملها الأيام
وأطيبها رح نعيشها بمحبة
ونعرف نحنا لوين رايحين

شاهد أيضاً

لوين رايحين

الحياة حلوة والأحلى هو الحب وبزاويتي هي حابب أحكي عن الحب والكره نعم الحب والكره …

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.