الرئيسية » يوميات كابتن » يوميات كابتن

يوميات كابتن

بعام ٢٠٠٣ سافرت على بولندا للعلاج من أصابه بركبتي على نفقة نادي الجيش بتوجيه من شخصيه قيادية بالبلد، وعشت فتره منيحة بالعاصمة البولندية وارسو، عملت العملية بالركبة، وضليت فترة طويله للعلاج فكنت روح عجلسة العلاج الفيزيائي يوميا لمدة ساعة، وباقي الوقت فاضي ما عندي شي فسألت عن مكان نادي ليغيا وارسو قلت بروح بحضر التمارين وبتسلى أحسن من القعدة، صرت كل يوم روح وأحضر تمرينون، كان عندون مدرب صربي حاولت كتير أوصلو وأحكي معو ما قدرت، كنت بدي أسالو سؤال واحد أنو يبو عامل حالك مدرب, وجايبينك من صربيا، وأنا ألي أسبوعين بحضرلك تمرينك ماشفت شي جديد, ما عندك غير تمرينين، تمرين أستحواذ، وتمرين تغطية المساحات، أنو تعال شوف عنا المدرب بيزرع أرض الملعب بالأقماع، وبيبلش عياط ما معروف شو هدف التمرين، بس أنو كل يوم في تمرين شكل، صفنت بتمرينو لهالزلمه وقلت والله معو حق، بكرة القدم في حالتين لا ثالث لهما، الحالة الأولى هيي وقت بتكون الطابة معك لازم يتعلمو لعيبتك كيف يستحوذو عالكرة، والحاله التانية وقت بتكون الطابة مع الخصم لازم تعلم لعيبتك كيف يغطو المساحات، لأن أهم شي بكرة القدم المساحاااات يلي بيستغلها بيسجل ويلي بيقدر يسكرا صعب يتسجل عليه…..
حالتين فقط: الكرة معك أو الكرة مع الخصم إذا أنت مدرب منيح حاول تدريب لعيبتك على عالحالتين وبس حفظوهن منيح رح تكون عملت فريق مرتب.

الكابتن زياد شعبو

شاهد أيضاً

يوميات كابتن

على باب الفندق في مدينة بويرتو مونت الواقعة جنوب تشيلي كنت واقفاً أدخن سيجارتي بانتظار …

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.