شام تايمز الإخباري رؤية لسورية أجمل
مقالات مشابهة
شام تايمز – زينب ضوّا
كشف “مؤيد الموصللي” أخو زوجة “عباس علي أحمد” أحد المتوفين جراء حريق “لاميرادا” مول بدمشق أن العائلة توصلت إلى معلومات من الحداد الذي نجا من الحريق تتعلّق بوفاة الأشخاص الذين كانوا متواجدين ضمن المول ليلة الحادثة.
وأشار “الموصللي” إلى أن يوم الأحد بدأت أعمال بناء طابق مخالف في المول، وذلك خلال ساعات الليل المتأخرة ولا نعرف إن كانت محافظة دمشق على علم بالأمر أم لا.
وقال “الموصللي”: “يوم الأحد ما صار شي نهائياً وعباس رجع على بيتو الساعة 7 الصبح وهو مسؤول عن كهرباء المولدات ومستلزماتها، ويوم الاثنين تواصل مع أخي الصغير عالفيسبوك إنو هنن جوعانين وما عم يلاقوا محل فاتح الصبح فاطلعنا وصلنالن أكل للمول، ويوم الثلاثاء تواصل معنا حوالي الساعة الثالثة إلا ربع بالليل وبعدها اختفى وقبلها أكدلنا أنن جوعانين ولكن ما بيقدرو هالمرة يجيبو أكل لأنو مدير الموظفين “أبو أنس زرعة” قافل باب المول”.
وتابع: “المدعو أبو أنس زرعة كان متواجداً مع العاملين ضمن المول لحوالي الساعة الواحدة والنصف تقريباً، وبعد ذلك خرج وقفل الباب كي لا تعلم الشرطة أو المحافظة بوجود موظفين وليمنع خروج العاملين للكافيهات والمطاعم القريبة.
ولفت إلى أنه استيقظ صباحاً على هاتف يخبره بوجود حريق في المول حوالي الساعة 4 ونص صباحاً، قائلاً: “الحداد كان عم يشتغل بالطابق السادس والشرار عم ينزل بالفتحة السماوية الموجودة بنصف المول اللي بتودّي للطابق الأرضي اللي فيه سجاد وغرف نوم وبطاريات”.
وعبر “موصللي” عن أسفه بالقول: “كان في أمل أنن يطلعوا يعيشوا بس عملية القفل منعت هالشي”.
